Life ( ජීවිතේ )

MS WORD වල සෙල්ලම්

2010-12-25T22:42:00.000-08:00

ගොඩ කාලෙකින් තමයි මම මේ පෝස්ට් එක දාන්නෙ. අලුත් අලුත් පෝස්ට් දාන්න අදහසක් තිබුනත් කතා කරන්න subject එකක් තිබුනෙ නැති එක තමයි අවුල. මොකද මම දන්න හැම subject එකක් ගැනම මට වඩා දන්න අය ඕන තරම් මේකෙ ඇතුලෙ ඉන්නවනෙ.

ඒ කතා ඕනෙ නෑ. කෙලින්ම මාතෘකාවට බහිමු. මේක MS WORD වල තියන හිනා යන සීන් එකක්. මේකයි කරන්න ඕනෙ. (මම use කරන්නෙ MS Office 2007)

1. MS WORD අලුත් document එකක් open කරගන්න (මෙහෙම)

2. ඊලඟට මෙන්න මේ විදියට type කරන්න =rand (200,99)
(පැහැදිලිව පේන්න මම font size එක 48 දැම්මා)

=rand ස්පේස් මුකුත් නැතුව එකටමයි. ඊලඟට ස්පේස් එකක් තියලා (200,99) ස්පේස් මුකුත් නැතුව.

3. දැන් Enter බොත්තම ඔබන්න. බලන්න වෙච්ච දේ :O :P :D ;)

4. පිටු 13,934ක් පුරා එකම වාක්‍යඛන්ඩය ලියවිලා ඉබේම. වචන 407,000 (ලක්ෂ 4ක් ) type වෙලා :O

5. මොනවද මේ ලියවුනේ. මේක පොඩි help එකක් MS WORD වල තියන insert , text , page, styles වගේ options ගැන ( font size එක පොඩි කරලා බලන්න )

"On the Insert tab, the galleries include items that are designed to coordinate with the overall look of your document. You can use these galleries to insert tables, headers, footers, lists, cover pages, and other document building blocks. When you create pictures, charts, or diagrams, they also coordinate with your current document look. You can easily change the formatting of selected text in the document text by choosing a look for the selected text from the Quick Styles gallery on the Home tab. You can also format text directly by using the other controls on the Home tab. Most controls offer a choice of using the look from the current theme or using a format that you specify directly. To change the overall look of your document, choose new Theme elements on the Page Layout tab. To change the looks available in the Quick Style gallery, use the Change Current Quick Style Set command. Both the Themes gallery and the Quick Styles gallery provide reset commands so that you can always restore the look of your document to the original contained in your current template."

මේක Office වල bug එකක් කියල කියන්නත් බෑ. මොකද Office 2000 වල ඉදන් මේ සීන් එක එනවා. Office 97 වල තිබුනෙ නෑ. Office 2000, XP, 2003 වල නම් repeat වෙවී type උනේ "THE QUICK BROWN FOX JUMPS OVER A LAZY DOG" කියන වාක්‍යය. මේක තමයි ඉංග්‍රීසි භාෂාවේ තියන අකුරු 26 ම භාවිතා වෙන විදියට ලියන්න පුලුවන් කෙටිම ඉංග්‍රීසි වාක්‍යය. Office 2007 වලදි වාක්‍යය වෙනස් කරලා paragraph එකක්ම දාලා. Office 2010 වල මේ සීන් එක තියනවද කියලා මම හරියටම දන්නෙ නෑ මොකද මම තාම 2010 පාවිච්චි කරල නෑ. කොහොම වෙතත් Office Developing Crew එක මේක පාවිච්චි කරලා අවුරුදු 10කටත් වැඩි කාලයක් ෆුල් fun එකක් අරන් තියන බවට නම් කිසි සැකයක් නෑ. බිල් ගේට්ස් මේ ගැන දන්නවද දන්නෙත් නෑ :P :P

Comment එකක් දාල යන්නත් අමතක කරන්න එපා. සිංහල අමාරු නම් English වලින් දැම්මට කමක් නෑ. Anonymous විදියට හරි දාල යන්න. ඔයාලගෙ comments තමයි මට අන්තිමට බලල හරි සතුටු වෙන්න ඉතුරු වෙන්නෙ. ආයෙත් දවසක හම්බ වෙමු. එතකන් හැමෝටම අයුබෝවන්!

පුංචි උනත් හරිම සැරයි ගම්මිරිස් ඇටේ

2010-07-24T08:19:00.000-07:00

පුංචි උනත් හරිම සැරයි ගම්මිරිස් ඇටේ

DeepS අක්කගෙ බැංකු අත්දැකීමකියෙව්වම මටත් හිතුනා මං ලබපු ඒවගේම අත්දැකීමක් ගැන ලියන්න. මේකත් ලංකා බැංකුවක් සම්බන්ධ සිද්ධියක්ම තමයි.

මගෙයි මල්ලිගෙයි 14+ ගිණුම් 2ක් තිබුනා ගම්පහ ලංකා බැංකුවේ ( දැන්නම් මට campus එක ඇතුලෙම 18+ account එකක් තියනවනෙ :D ) . මමයි මල්ලියි තීරණය කලා ඒ දෙකේ සල්ලි අරන් computer එකට අලුත් VGA card එකකුයි 19" LCD එකකුයි ගන්න. ඔන්න ඉතින් අපි දෙන්නා ඩෙනිමයි t-shirt එකයි ගහගෙන සෙරෙප්පු දෙකකුත් දාගෙන හා හා පුරා කියල උදේ පාන්දරින්ම පිටත් වෙලා unity ආවා ( unity කිව්වෙ unity plaza හොඳේ. අර බම්බලපිටිය කියන මනරම් නගරයේ සුන්දර MC එකට මායිම්ව ( දන්නවනෙ ඉතින් MC එක) නල ජලය, විදුලිය, පුළුල් මාර්ග එහෙම තියෙන තට්ටු 8ක්ද කොහෙද උස, කැත building එකක් ) . ඔන්න අපි unityය ඇතුලෙ රවුම් ගහල ගහල අන්තිමට barclays ( computer shop එකක් ) එකෙන් රු.35000කට වැඩේ සෙට් කරගෙන ( VGA එක nVIDIA 9600GT රු.18700යි, Samsung 19" LCD එක රු.16300යි ) unityයේ යටම තට්ටුවේ යට තියන ලංකා බැංකුවට ගියා සල්ලි ගන්න.

ඔන්න අපි දෙන්නා withdrawal slips දෙකකුත් fill කරලා පොත් දෙක දුන්නා counter එකට ( අපිට කොහෙද ATM ඒ කාලෙ ). Counter එකේ අක්කා"මේ accounts දෙක අවුරුදු 2 කට වඩා transactions කරලා නැති හින්දා temporary diactivate කරල තියෙන්නෙ. සල්ලි ගන්න බෑ. අතන ඉන්න managerට කතා කරන්න" කියල බෙරිහන් දීපි.

වැඩේ sorry.com වගේ හින්දා අපි දෙන්නා ගිහින් අර manager කියල පෙන්නපු පිරිමි කෙනා ලඟ වාඩි උනා. එයා computer එකේ මොනවද ටිකක් ඔබලා කිව්ව " මේ accounts දෙක දැනට වහල තියෙන්නෙ. ඔයාලට සල්ලි ගන්න ගම්පහ නම් යන්න වෙනවා" කිරි අප්පට බල්ලො පැනපි. කාල වරෙන්කො ගම්පහ යන්න. Train එකේ බඩගාල බඩගාල පෙරුම් පුරාගෙන ආව LCD එකක් ගන්න. මදැයි වෙච්ච දේ!

"දැං අපිට මේ accounts දෙකෙන් සල්ලි ගන්නම බැරිද?" මං ඇහුවෙ බලන් ඉන්න බැරිම තැන. "අනික අපේ accounts වලින් අන්තිමට සල්ලි අරන් තිබුනෙ අවුරුද්දයි මාස 6කට කලින්. අවුරුදු 2කට කලින් නෙමෙයිනෙ." ඒ පාර අර පිරිමි කෙනා අපිව යැවුවා තවත් නෝනා කෙනෙක් ලඟට. එයා ටිකක් සැර කෙනෙක් වගේ පෙනුනා. Bank එකේ ලොකු post එකක් වෙන්න ඕනෙ. එයා check කරලා බැලුවා අපේ accounts. ඊලඟට මං දිහා බලල කියනවා "ගම්පහ ලංකා බැංකුවෙන් ලියුමක් ඕනෙ. නැත්තන් කරන්න බෑ." මොන ගොං කතාවක්ද ඒ? ලියුමක් ගේන්නෙ මොකටද? මම එහෙනම් ගම්පහින් account එක activate කරගෙන සල්ලිම අරන් එනවනෙ.

අපි එතනින් නැගිටල bank එක ඇතුලෙ හිටගෙන කරන්න දෙයක් නැතුව බලන් හිටියා. මගෙ ඔලුවට සිරා අදහසක් පහල උනේ මේ වෙලාවෙ. ලංකා බැංකු ජාලයේ මේ පලාතට අදාල AGM ( Assistant General Manager ) අපේ ගමේ ඇන්ටි කෙනෙක්. ලංකා බැංකුවේ ඉහලම තනතුරක් කියල අමුතුවෙන් කියන්න ඔනේ නෑනෙ. අපේ ගෙදර ඉඳලා පයින් යනවනම් විනාඩි 15න් එයාලෑ ගෙදරට ගියෑකි. එයාල ඉස්සර ඉඳන්ම අපේ තාත්තව හොඳට අඳුනනවා. එයාගෙ පුතා අපේ ඉස්කෝලෙ අයිය කෙනෙක්. ඉතින් ඒ හින්දත් අපි එකිනෙකාව ගොඩක් හොඳින් දන්නවා. අපේ තාත්තට සෑහෙන්න උදව් කරලත් තියනව බැංකු කටයුතු සම්බන්ධයෙන්.

ඉතින් මම තාත්තට call කරල ඒ ඇන්ටිගෙ mobile no එක ඉල්ලගෙන ඒ ඇන්ටිට call එකක් දුන්නා.

ඉතින් මම "ඇන්ටි, මමයි මල්ලියි ලංකා බැංකුවේ .................................." කියල අපිට වෙච්ච ඇබැද්දිය කිවුවා.

"පුතා කොහෙද ඉන්නෙ?"

"බම්බලපිටියෙ unity එක යට තියන branch එකේ"

"ඔතන ඉන්නවද Mr........................?" ( මම අර පිරිමි කෙනාගෙන් නම ඇහුවා. ඇන්ටි කියපු කෙනා තමයි )

"ඔව් ඇන්ටි එයා ඉන්නව"

"දෙන්න එයාට ෆෝන් එක" ( මම ඒ පිරිමි කෙනාට phone එක දුන්නා )

" හෙලෝ...........කව්ද?............ ආ ඔව් මැඩම්!............ඔව් temporary deactivate කරල තියෙන්නෙ ....................ඉන්නවා මැඩම්...........පොඩ්ඩක් ඉන්න" කියල අර ලොකු නෝනට phone එක දුන්නා.

"කවුද ඔය?" නෝනා ඇහුවා .

"AGM" පිරිමි කෙනා උත්තර දුන්නා. ඊට පස්සෙ මට ඇහුනේ මේ ටික තමයි.

" කියන්න මැඩම්..........මැඩම් දන්න කියන කෙනෙක්ද.........හරි මැඩම් මම කරන්නම්.........ok මැඩම්..............දැන් යවල තියෙන්නෙ...................හරි මැඩම් ඔක්කොම හරි" කියලා ඒ නෝනා මට ආපහු phone එක දුන්නා.

අපිට විනාඩි 10ක් ඉන්න උනේ නෑ. Accounts දෙකම activate උනා. මගෙන් 18000යි මල්ලිගෙන් 18000 විදියට 36000ක් මගෙ අතට ලැබුනා. අර නෝනා මට දාපු ගෙම්බර් ඔක්කොම ඉවරයි . ඊට පස්සෙ වචනයක්වත් කිව්වෙ නෑ. "T-shirt එකක් ගහගෙන සෙරෙප්පු දෙකක් දාගෙන බැංකුවට ආපු වයස අවුරුදු 20ක් වත් නැති මේ කොල්ලො දෙන්නා Bank of Ceylon AGMට කතා කරලා මට සද්දයක් දැම්මනෙ. ශික්, මම නිකන් පාච්චල් උනා" අර නෝනට එහෙම නොහිතුනා නම් පුදුමෙනුත් පුදුමයි. සල්ලි ටික අතට අරන් අර පිරිමි කෙනාටයි නෝනටයි දෙන්නටම thanks කරලා අපි දෙන්නා බැංකුවෙන් එලියට ආවා. සියලු සැක සාංකා මගඇරලා අලුත් VGA එකකුයි LCD එකකුයි කරගහගෙන අපි දෙන්න ගෙදර ආවෙ මහා වික්‍රමයක් කලා වගේ පුදුම සන්තෝසෙන් :D . බැංකුවෙන් එලියට එන වෙලාවෙ මල්ලි මට ලං වෙලා කිව්වෙ එක දෙයයි!

"එයා බයිට් නේද ?"

අපේ කාලෙ ආච්චිලා සීයලා

2010-03-29T11:07:00.000-07:00

සෑහෙන කාලෙකින් blog එකක් දාන්නත් බැරි උනා. මගෙ මිත්‍රයා ඉෂාන් නම් දැන් ගේමට බැහැලම වැඩ. මට ඉතින් කොහෙද ඒවට වෙලාවක්. මට තියනවනෙ සෑහෙන්න වෙන වැඩ. මම හරි busy පොරක්නෙ.

නිකන් ඉන්නකොට මට මේක කල්පනාවට ආවෙ. මේ කාලෙ අපේ සීයලා ගත්තොත් ඉන්නෙ සියාතු, බංඩා, ඇඩ්ඩින්, විලියොන්, සිමියොන්, උක්කුං වගේ නම් තියන අයනේ. ආච්චිලා නම් ජොසපින්, ඇසිලින්, රොසලින්, මැගිලින්, පොඩි මැණිකෙ, බගලවතී වගේ අය. අපි එයාලට කතා කරන්නෙ සියාතු සීයා, උක්කුන් සීයා, ජොසපින් ආච්චි, බගලවතී ආච්චි කියලනේ.

තව අවුරුදු 50කින් 60කින් මොනවගේ ආච්චිලා සීයලා ඉඳීවිද? නුවන් සීයා, ඉෂාන් සීයා, පූර්ණ සීයා, ජනේෂ් සීයා, කසුන් සීයා,චමින්ද සීයා. පිස්සු හැදිලා ආයෙත් හැදෙනවා. ඒ මදිවට ආච්චිලා. චේතනා ආච්චි, කසුනි ආච්චි, තිලිනි ආච්චි,සජිනි ආච්චි, නිල්මිණී ආච්චි, නිරෝෂණී ආච්චි, ඉන්දීවරී ආච්චි. කිරි අප්පට බල්ලො පැනපි මෙහෙමත් ආච්චිලා. කොහොමද අපේ පොඩි උන් ඇවිල්ලා "ඉෂාන් සීයෙ, කතාවක් කියන්නකෝ" , "චේතනා ආච්චියේ, මට කවියක් කියල දෙන්නකෝ" කියල කියනකොට.

ගෝලීයකරණය අප්පා. ගෝලීයකරණය!!!

යාලුවෝ "Friends"

2009-09-18T10:31:00.000-07:00

මේ කතාව campus එක ඇතුලෙ වෙච්ච වෙනස්ම කතාවක්. අපේ එකමුතුකම සහෝදරත්වය ගැන අපිටම තේරුන සිදුවීමක්. කතා ඕන නෑ. වෙච්ච දේ කියන්නම්.

ගිය අගහරුවාදා (2009.09.15) අපේ සහෝදරයෙක්ට හොදටම අසනීප උනා. සජිත් නැත්තන් අපි කියන විදියට සජියා. උදෙ ඉදන්ම මිනිහට වමනෙ යන්න ගත්තා. කරන්න දෙයක් නැති තැන ජනිත (ජනියා) උදේම සජිත් ව campus එකේ medical centre එකට එක්කගෙන ගියා. ජනියා metarial practical වෙලාවෙත් සජියාගෙ තත්වෙ බලන්න medical centre එකත ගියා. අන්න බලන්න නියම යාලුවො. මගෙ පණ්ඩිතකමට ඒක කියන්න ගිහින් අපේ lecturer ගෙන් පලවෙනි පාරට බැනුමක් හිටන් අහගත්තා.

practical ඉවර වෙලා අපි සජියා බලන්න medical centre එකට ගියා. මායි, චාමර අයියයි, සුපුන් අයියයි, ඉෂානුයි (සෝමෙ ), ජනියයි, තරිදුයි, අචලයි. මම මේ දාල තියෙන්නෙ එදා සජියා හිටපු හැටි. group එකේ 66ක් ඉදලත් සජියට කොහොමද කියල බලන්න වත් ආවෙ 7ත් දෙනයි. ඒකද group fit එක කියන්නෙ? ඉතුරු 58 දෙනාට මොකද උනේ? { 66-7-1(සජිත්)=58 නැත්තන් හිතයි මට 66න් 7ක් අඩු කරගන්න බෑ කියල }

සජිත් උදේට විතරයි කාලා හිටියෙ. ඉතින් චාමර අයියා කැන්ටිමට ගිහින් Milo එකකුයි බනිසුයි ගෙනාවා. ඒක කෑවත් සජිත් එකත් වමනෙ දැම්මා. අපි සජිත්ගෙ පිට අතගගා අපිට පුලුවන් හැම විදියකින්ම උදව් කලා. Medical center එක 3.00ට වහනවා. ඒත් අපි හිටපු හින්දා එයාලා 4.00 වෙනකන් වැහුවෙ නෑ.

අපි කොහොමහරි සජිත්ගෙ බෝඩිමේ කොල්ලො set එකට call කලා. උන් set එක තමයි මේ photo වල ඉන්නෙ.

උන්ගෙන් එකෙක් mechanics practical කට් කරලා සජියාව බලන්න ආවෙ ( චාමර අයියට උඩින් ඉන්නෙ ඌ තමයි ). ඒ මොකටද? උගෙ කොහෙහරි කහනවටද? නෑ!!! ඒක තමයි friendship එක. මොන දෙයක් නැති උනත් එක නැති වෙන්නෙ නෑ. උන් set එක සජියව threewheel එකක දාගෙන පිළියන්දල මාමලෑ ගෙදර එක්කගෙන ගියා. සජිත්ට බෝඩිමේ ඉන්න පුලුවන් තත්වයක් තිබුනෙ නෑ.

කෝ අපේ කෙල්ලො ටික? හොයා ගන්නත් නෑ. මo හිතන්නෙ දන්නෙවත් නැතුව ඇති සජිත් අසනීප උනා කියලා. කෝ group එකේ අනික් කොල්ලො ටික? එකට හන්තානෙ නැග්ග යාලුවො කෝ? එකෙක්වත් හිටියෙ නෑ.

මම කාටවත් දොස් කියන්නෙ නෑ. ඒත් මේ ටික කියන්න ඕනෙ. අපි ඔක්කොම එකම පවුලක්. අපි කන්නෙ, බොන්නෙ, ඉගෙන ගන්නෙ එකට. ඉතින් අපේ කෙනෙක්ට කරදරයක් උනාමත් අපි එකට ඉන්න ඕනෙ නේද? එයාට උදවු කරන්න ඕනෙ නේද?

මට කියන්න ඕනෙ උනේ එච්චරයි. අදට නවතින්නම්. තවත් දවසක හම්බවෙමු !

සුභ උපන් දිනයක් වේවා!

2009-09-11T22:16:00.000-07:00

ඔන්න අපි හා හා පුරා කියලා අපේ group එකේ පලවෙනි birth day partyඑක සැමරුවා. උත්පලා අක්කාටයි ලක්ෂානිටයි සුභම සුභ උපන් දිනයක් වෙවා! උදේ පාන්දරම කිසිම lecture එකක් නැතුවත් අපි campus ආවෙ හොදට කන්න බලාගෙන. අපේ බවලත් උදවිය උදේම ඇවිත් security room එකට වෙලා අපි එනකන් බලාගෙන හිටියා අපිට හොදට සලකන්න. කොහොම උනත් අපේ ගොන් රැල කන්න දෙනවනම් ඕන දෙයක් කියලනෙ හිතගෙන ඉන්නෙ. ඉතින් එයලත් කට ඇරගෙන security room එකේ බවලත් උදවියට තනි රැකරැක හිටියා.(මාත් ඇතුලුව).

කට්ටිය කොහොමහරි ගොඩ උඩට setඋනා drama practice කරන්න. birth day girls ලා දෙන්නා ගොඩෙන් අපිට rolls යි කොත්මලේ කිරි යි ගෙනාවා. අපිත් දෙන්නටම සුබ උපන් දිනයක් කියලා සුබ පැතුවා. චාමර අයියා ඉතින් වෙනදා වගේම පැණි part එක act කලා. Group එක වෙනුවෙන් එයා ස්තූති කතාව කලා. හිනා කාල මැරුනා එක අහන් ඉද්දි. හාමුදුරු කෙනෙක් බණ කතවක් කියනව වගේ. birth day ගිර්ල්ස් ලත් full fun එකේ කතාව අහගෙන හිටියා. කොහොමින් කොහොමින් හරි party එක ඉවර උනා. අපි සල්ලි එකතු කරලා දෙන්නටම C programmingපොත් දෙකක් තෑගි දුන්නා( අපි ඉතින් අධ්‍යාපනයේ අගය දන්න අයනෙ ). ඒ දෙන්නත් පහන් සිතින් පොත් දෙක ගත්තා. චාමර අයියා තමයි උත්පලා අක්කට presentඑක දුන්නෙ. අයෙ එකෙ අහන්න දෙයක් තියනවයැ. අත් දෙකෙන්ම අල්ලලා හරිම ආදරෙන් දුන්නෙ. ඒකටත් එක්ක සජියා ( සජිත් ) ලක්ෂාණිට present එක දුන්නෙත් අහක බලාගෙන. ඕවනම් මොනවද ඉතින් නැට්ට පිටින් අලි මැරෙනකොට.

ඊලගට අපි drama එකට සෙත් උනා. සජියා ගෙ script එක. සිරා comedy යක්. හිනා කාලා මැරෙනව අපේ comedy අපිම බලනකොටත්. බන්දුල අයිය ගෙ part එක නම් maxa. කියල වැඩක් නෑ. campus එකෙ සීන් එක මට මාරෙට හිතට අල්ලලා ගියා.

මුලින් අපේ කෙල්ලො ටික එන්න අදි මදි කලත් වින්ධ්‍යා බය නැතුව ගේමට සෙට් උන හින්දා අවන්තිත් අක්කත් නුවනිත් අපිට full ස්ප් එක දුන්නා. එයාල හින්දා අපේ drama එක තාත්විකව කරන්න පුලුවන්. " නාට්‍යයේ ජීවගුණය රැදී තියෙන්නෙ එකේ රගපාන චරිතවල" කියල ෂේක්ස්පියර් ගෙ පුන්චි අම්මගෙ ලොකු දුව බැදපු එකාගෙ යාලුවෙක්ට දුරින් නෑ වෙන කෙනෙක් කියල තියෙන්නෙ. එ හින්ද කෙල්ලො ටික ආපු නිසා අපේ උන්ට පුදුම ගැම්මක් අවා. පුදුම සහයෝගයෙන් අපි practice කලා.

Drama එකට වැඩි කාලයක් නෑ. ඒත් අපි මේක සිරාවටම කරනවා. බලන් ඉදපල්ලකෝ. එළටම කරනවා මේක. Best drama එක වෙනවා අපේ එක. 100%ක් sure.

තවත් දවසක එන්නම් තව වල්පල් ටිකක් අරගෙන. එතකන් කට්ටියටම සුබ සතියක් !

අපේ කෙල්ලො ටික

2009-09-09T10:03:00.000-07:00

වමේ ඉදන්: අවන්ති, වින්ද්‍යා, හෙෂානි, ශන්ගීතා, උත්පලා, එරන්දි, නුවනි, ලක්ෂානි

අවන්ති

අපේ set එකේ English medium කරලා මොරටු ආපු එකම කෙල්ල. මොලකාරියක්. English medium කලාට සිoහල වචන 10 කට English වචන 5ක් mix කරන එක එයාගෙ ගතියක් නෙමේ. කෙලින්ම සුද්ද සිoහල. ( මo මෙතන එහෙම කලාට ගනන් ගන්න එපා )

වින්ද්‍යා

යන්සෙ හොයාගත්තෙ හරිම අමාරුවෙන්. හක්ක පනින නමක්නෙ. ලගදි මල්ලි කෙනෙක්ගෙන් යාලුවෙන්න අහලා ගොඩ කැන්ටිමේ කැලෑ පත්තර ගොඩාක් වැදිල තිබුන වගේ දැක්කා. ඒ සීන් එක තාම කවුරුත් දන්නෙ නෑලු. අඩුම ගානෙ අවන්තිට වත් කියල නෑලු.

හෙෂානි

ම් ම් ම් .....දහයට ගනින්න බෑ වගේ ඉන්නෙ. එත් ලoකාවෙම 10 වෙනියා ! තව පොඩි පොඩි හුටපට තියනවා අපි දන්න, එත් ඒව කියන්න හොද නෑනෙ. පවුනෙ. එත් අපිට party එකක් නම් ලැබුනෙ නෑ තාම ?

ශන්ගීතා

අපේ සිoහල දෙමල කෙල්ල. එයාට භාෂාව ප්‍රශ්නයක් නෑ. සිoහල නම් සිoහල. දෙමල නම් දෙමල. කඩ්ඩ නම් කඩ්ඩ. කොකත් එකයි. වඩේ හදන්න නම් නියමයි. ඊලග trip එකටත් අපිට වඩේමයි ඕනෙ.

උත්පලා

අපේ අක්කා. චුට්ටක් සැරයි. ඒ උනාට හරි හොදයි. ගවුමක් ඇන්දාම ලස්සනයි. නැත්තන් ඉතින් අපායට ගහපු කැලැන්ඩරයක් වගේ. හැමදාම පිස්සිගෙ පලා මල්ල වගේ අලි bag එකක් උස්සන් එන්නෙ.

නුවනි

කොට මොඩල් ලග pickup කිව්වට නුවනි එහෙම නෑ. අහිoසකයි. හිනාවෙලා ඉන්නෙ හැමවෙලේම. ඒ උනාට බෝල දාන්න නම් දන්නෙම නෑ. බෝලයක් අල්ලන හැටිවත් දන්නෙ නෑ.

එරන්දි

අපේ ආච්චි. හුරතලේට කියන නමනේ. trip එක ගිහිල්ලා පුන්චිත් එක්ක තදවෙලා ඔලුව බිත්තියේ හප්පගෙන ප්ලාස්ටර් දාගෙන දැන් campus එන්නෙ. campus එකේ ඉන්න කෙට්ටුම කෙල්ල කිවුවොත් මම වැරදි නෑ ! හික් හික්

ලක්ෂානි

කන්නාඩි දෙක නැතිඋනොත් ඉදල හමාරයි. ඒ උනාට bat එකක් දුන්නොත් වනනවා හතර අතටම. ගහන පාරවල් නම් ඉතින් පොතේ තියන ඒව නෙමෙයි තමා. ඕවා මොනවද, නැට්ට පිටින් අලි මැරෙන්නෙ?

තිලිණි

කණ්ණඩි දානවා කියල දන්නවා. ඒත් මෙයා ට්‍රිප් එක යන්න ආවෙ නැති හින්ද වැඩිපුර විස්තර දන්නෙ නෑ. දැනගත්ත ගමන් දෙන්නම්කො ගේම. කවුරුහරි වැඩිදුර විස්තර දන්නවනම් මට හරි සෝමෙට හරි කියන්න.

හෙට campus යනකොට හෙල්මට් එකක් දාගෙන යන්න වෙනවා. කුඩ මිටි පාරවල්, BATA,DSI පාරවල් වදින්නත් ඉඩ තියනව. එ හින්ද ආත්මාරක්ෂාව පිණිස මම මෙතනින් නවතිනවා. තවත් දවසක සෙට් වෙමු.